مذكرات مثلية

# مذكرات_مثلية الحلقة الخامسة (احداث حقيقية ترويها المثلية  Lghali Titima ) تجربة السبيطار هي تجربة شفت انني ضروري نحكيها ليكم واخا عارفاكم كلكم عارفين خبايا السبيطار ولكن بغيت نزيد نقرب ليكم الصورة... [السبيطار] مني كان عندي 7 سنوات غادي يوشم ليا الحظ واحد الندبة كبيرة فرجلي اتخليني نكره راسي، ونكره نلبس الصنيدلات بحال لبنات، اتخليني نهمل رجيلاتي، ومنحملش نشوفهم... كنت مع بابا فالموطور، وكانت اول مرة نركب معه حيت سخراتني جدتي كنّا ساكتين، ومنين بغينا نبداو السجال علاش خلاني وكيفاش قدر يفرط فيا تخشات ليا رجلي وسط الرويضة تاع الموطور، كغوت بجهد تا وقف بابا، تجمعو الناس (المغاربة خاصهم غير علاش يديرو الجوقة) أنا كنت تنبكي ونغوت، بابا بعد مني وجلس فوق الطروطوار وشد راسو، ورجلي واحلة وسط السلوكة تاع الرويضة، تا زعمات واحد لمرا غليضة لابسة جلابة حمرة ايفازي، فرتكت الجوقة بصوتها الغليظ، وبدات مضاربة مع رجلي تخرجها لي، أنا ديك الساعة فقدت الوعي... حليت عينيا فسبيطار سيدي عثمان، الهرج والمرج فجميع الزوايا، كلشي تيتأوه ماشي من النشوة ولكن البشر واصلة ليه للعظم، ها اللي راسم خرائط فيديه ...

#مذكرات_مثلية (اعتذر على التأخر... قريتي وعجبك خلي شي حاجة لتحت وطاغي صحابك تاهما يبكيوا مع الغالي تيتيمة) "بابا مات" "ماما ماتت" زوج كلمات مكيزعزعونيش بزاف، عادي يموتو ليك واليديك حيت الموت شي حاجة حتمية اتوقع اتوقع شي نهار، اللي خايب هو يكونو واليديك ميتين ولكن هما فالحياة، يكفي أن والييديك عايشين ومكيتفكروك تا ب درهم راه هذاك هو الموت البطيء، يتيم الأموات على الأقل كيلقا معه عمامو وعماتو وخوا لو وخوالاتو اللي تيقولو هذاك مسكين راه يتيم وكيحنو عليه، أما يتيم الأحياء فراه مكيتسوق ليه تا واحد حيت كلشي تيقول راه عندو واليديه... اللي قرا الجزء السابق ايكون متأكد بلي عشت طفولة صعيبة بسبب لفقر، ولكن أنا طفولتي كانت أصعب حيت أنا يتيمة أحياء... [يتيمة الأحياء] واخا تقياتني الحياة قبل ما نكمل وقتي، ولاحتني بين نياب الفقر، صبرت، وقاومت، وفينما صرفقني القدر كنوض وكنعطي للقحبة يماه تصرفيقة أعنف من اللي عطاني، وأنا تنكبر وليت تنآمن بلي القدر ولد دين لكلب وتا منين تيولي ظريف معاك عرف بلي موجد ليك شي صفعة مقودة.. طفولتي كاملة كانت متمحورة على حلم، كنت باغية غير مونيكة، من...

#مذكرات_مثلية   احداث حقيقية بكلافيي lghali titima الحلقة الثالثة بعض المرات خاصنا نكونو عشنا ماضي كئيب باش نكونو أقوياء فحاضرنا...وكيولي داك الماضي البشع هو الحطب اللي كيدفي ليك مستقبلك منين تتجي شي عاصفة تاع المحن...كيقولو أن التعساء هما اللي كيصنعو التاريخ، وايلا كانت هاذ التعاسة اللي تنعيشها هي اللي غادي تخلد اسمي فالتاريخ ك كاتبة فأنا سعيدة بيها... المصيبة هي ايلا مذكرنيش التاريخ ونموت نكرة ك يفما تولدت... بفف شحال خايب تعاود على حياتك الكئيبة الحزينة المظلمة بحال أسرار الليل... ولكن لا بأس نحكو على جرح الزمن وربي كبير، واخا شوية الألم المهم هو التطهرمن بقايا الماضي.. الأسرار بحال العجينة منين تنغطيوها تتخمر ومنين تتخمر خاصنا ندخلوها للفران ومن بعد نقدموها للناس... أسراري خمرات وخاصكم تذوقو منها تا نتوما، وحيت جزء كبير من أسراري وذكرياتي وشغبي كان فالمدرسة خاصني نحكيها ليكم.... [المدرسة] كل صباح كان صوت جدتي كيفيق الدرب كلو، وااا تيتيم فيقي راكي تعطلتي... وأنا بصوت مبحوح تنرد عليها أوووف علاش خاصني نفيق كل نهار بكري، كتجاوبني بهدوء: باش تولي معلمة ا بينيتي، هاذ الكلمة ...

# مذكرات_مثلية  (أحداث حقيقية ترويها مثلية مغربية ) [الاغتصاب] صعب أنك تعيش فمجتمع يؤله الذكر بحال هكا، ولكن اللي صعيب كثر هو أنه تكون ألوهية الذكر على حساب الأنثى فكتولي هي الأمة والجارية المطيعة... من صغرنا شحنونا بأفكار وممارسات تكرس فكرة أننا غير قطعة تاع اللحم بثقبة... باقا كنعقل واحد المرة كنت مع أمي فالحمام وقست طبوني، غوتات واحد لمرا وجات تتجري حيدات ليا ايدي من جسدي، شفتو شحال صعيب الأخرين يتحكمو ليك فذاتكǃǃǃ وقالت لأمي ردي ليها لبال ايلا مشات تا ثقبات راسها (بوديزة تاع الزيت أنا؟) شكون غيقبل بيها، ببحال هاذ الممارسات كبرت، وسط مجتمع كيتحكم ليك فجسدك، مجتمع كيقوليك خاصك تجلسي هكا، وتجمعي رجليك، خاصك متجريش باش متثقبيش، خاصك متركبيش فوق بيكالة وخاصك تردي لبال ونتي تتغسلي تحت كرشك وخاصك تديري هكا باش تبقاي عذراء، كبرنا وحنا معقدات من أجسادنا كنحشمو نشوفو ريوسنا عريانات قدام لمراية وكنقولو هاذ الأجساد لعنة خاصنا نتخلصو منها، وهاد العقدة غتكون أكبر إيلا تعرضتي للاغتصاب... كان الصيف، هذاك العام كنت غندخل فيه للمدرسة، وككل صيف الناس تاع الكاريان كانو كيتنافسو على التخمال،...

# مذكرات_مثلية  (أحداث حقيقية ترويها مثلية مغربية) الحلقة الأولى الطفولة باش تعيش حاضرك وتتعايش معه بسلام ضروري أنك تتصالح مع ماضيك، وتحكيه بكل صراحة للناس اللي تتشوف أنهم يستحقوو يسمعو ليك، مكتعرفونيش ومباغاكمش تعرفوني، وتا أنا مكنعرفكمش ولكن حاسة بلي غاديين تحسو بكل كلمة غادي نحكيها ليكم... غادي نتعرا قدامكم... بغيتكم تشوفوني كيفما أنا ولكن بلاما تشفقو عليا، كنكره يشفق عليا شي واحد، قراو بلاما تفكرو لمن كتقراو... ايلا شفتوني خطأت بلاما ترجموني كيفما دار لي المجتمع، وايلا شفتوني خصرت الهضرة خليوا مقص الرقابة عندكم، حيت هذاك المقص كلا مني بزااف ومبقيتش قادرة نخليه يقطعني مزال...كنتمنى أنني منين نسالي هاد المذكرات نكون تنقيت من الماضي ديالي، وتصالحت مع حوايج ماشي أنا اللي بغيتهم ولكن تفرضوا عليا عن غير ارادتي... قراءة ممتعة... ولادتي كانت خطأ، ماما نسات الفنيد وحملات بيا، ظروفهم المعيشية خلاتهم يفكرو باش يأجلو الانجاب، ولكن حملات لواليدة وانتهى الأمر، وأنا فكرش ماما كنت بحال شي لقيطة مباغيانيش، وباغاني نطيح بأي طريقة ولكن الله بغاني نتزاد، معرفتش علاش يمكن باش نكون سبب في ا...